Vobabulario en crisis

Dimpués de todo lo verano, ya perdonarez si m'en vo una miqueteta de la olla. Pero m'he devantau con la ideya de que las cosas no i-son como las dixé.


CEOE (Confederación española de organizacións empresarials): Lo robillo de la economía de libre mercau. Lo suyo president ve, i diz que igual ye l'inte* de fer bella paradeta en tanta libertat de mercáu (de tal mena que los gubiernos se fagan cargo de lo estroxine que las grans empresas han prevocau en los mercaus).

GABILONDO: Famoso presentador que diz que i-somos pasando por un túnel, pero que lo territorio que se i-troba al salir de lo túnel no ha pon que vier con lo d'antis de dentrar.

BOLSA: Pocha, buchaca. En do muitos incautos, legos, prexinaban medrar lo caxón. Agora, cada día mas escurruchau.

PERESTROIKA: Lo proceso sinde fer en ocident.

LADEN, BIN: Diaple mas agudo que Lepe. Famoso chugador d'ajedrez; primero tumba las torres, lugo ataca a la reina Bolsa y mete en jaque lo pretrolio de los jeques. Lo suyo ochetivo, la perestroika, parez.

*Inte: Instante, momento. Voz aragonesa replegada en muitas vals, menos en la chesa, cagüenla.